Monistròl

Alphonse Boncompain, né en 1885 et mort en 1962, à Yssingeaux, où il fut médecin.
Poème à la ville de Monistrol-sur-Loire.

retranscrit par Didier Grange

Te jases, Monistròl, filhona sandarosa,
Per davant ton solelh, la tèsta d’ès Paulin
E los penons dins Leire, e coma 'n’amorosa
Li bailes a braçada, en de larges boquets.

Blavairòla, balai, chalàia verturosa,
Que per tos suchalhons, desplèian lhor tapís,
La campanèla i pica una tacha sagnosa
Larma que de ton còr giscla vès ton amic.

Mas, z’elh, ren l’atermèna e te persèc pertot
Lusís sus ton clochièr, clarilha en tas maisons
A tas fenèstras fuòca aub sos raions de brasa

Pasmins, se saca pas dins le vièlh Monistròl
E se conha au chastèl, tot coma, l’autre còp
Lo senhor daus Adrets i eberchèt son espasa.

Publié par la "Gazette d'Yssingeaux", le 22 juillet 1934

Te jàsis, Monistrô, filhouno sandarouso,
Per davan toun soulelh, la têto d’è Paulhi
Et lous penous din Leïre, et coumo 'n’amourouso
Lhi bailis a brassado, en de largis bouquis.

Blaveirollo, balai, chalaio verturouso,
Que per tous suchaillous, despleion lhour tapis,
La campanello i piquo uno tacho sannouso
Larmo que de ton coer gisclo vè toun ami.

Mas, z’elh, re l’atermèno e te persèt pertout
Lusit sus toun clouchier, clarilho en tas meisous
A tas fenestros fioco au sous raious de braso

Pas mis, se sacco pas dins le vié Monistrô
E se cougno au chasté, tout coumo, l’autre cô
Lou senhour daus Adrets y'eberchet son espaso.

Monistrol sur Loire

Velai oriental
L'autor

Alphonse Boncompain naissèt lo 2 de Mai de 1885 e moriguèt lo 15 de Setembre de 1962, vès Sinjau, onte fasiá lo mètge.

Vocabulari

Paulin
Vilatge de la comuna de Monistròl, de soliá Paulian

blavairòla
bleuet

verturosa
vigoureuse

suchalhons
endroit rocailleux et surélevé

campanèla
clochette

atermenar
délimiter, mettre des bornes

se conhar
s’enfermer

espasa
épée

Marraire
Paraulas de tèrras occitanas
Çais sètz benvengut.
Dimècres 19 de decembre de 2018
meijorn e uèit
Acuèlh | Mapa | Letra Marraire | A Prepaus |