Chasa-Dieu: La nau
A l’interior, lo jubé separa la glèisa en doas parts : lo còr daus monges d’un latz, e la nau de l’autre latz, onte los peregrins venián adorar lo tombèl de Sant Robèrt. Davant lo jubé, a dreita, sa pèira tombala es marcada d’una crotz.
Lo jubé
L’architectura es apelada gotica lengadociana. Las vòutas lateralas son a la mèsme nautor qu’aquelas delh mèi.
Las naus lateralas
Tombèl
La nau laterala sud, per aquela òm se saca (òm entra) en venent de la claustra, abrica un sobrebèl tombèl decorat d’àngels musicaires. Dison qu’aquò seriá la seboutura de Renaud de Montclar, que seguèt lo promièr abat nomat per Clemenç VI e encharjat d’ensonhar l’obratge. Mas, aquelh abat moriguèt fèrme de temps davant que las òbras s’achabèssan, aquò es doncas pro probablament la tomba d’un avèsque de la familha de Clemenç VI.
La nau laterala nòrd conten la pintura apelada « dança macabra ».
